डहाणू :जनतेचा वाली सारावली–सावटा येथील के.के. मिस्त्री हायस्कूलमध्ये विद्यार्थ्यांच्या सोयीसाठी शेड व पेव्हर ब्लॉक्सची उभारणी Adani Dahanu Thermal Power Stationतर्फे करण्यात आली आहे. ही कामे अदानी समूहाच्या सीएसआर उपक्रमांतर्गत पूर्ण करण्यात आली असून अलीकडेच शाळा व्यवस्थापनाकडे सुपूर्द करण्यात आली.
सारावली गावातील के.के. मिस्त्री हायस्कूल ही आर्थिकदृष्ट्या दुर्बल घटकातील विद्यार्थ्यांना शिक्षण देणाऱ्या जुन्या शैक्षणिक संस्थांपैकी एक असून, विनाअनुदानित असतानाही शाळेत कोणतेही शुल्क आकारले जात नाही. सध्या येथे दोन सत्रांमध्ये ८५० हून अधिक विद्यार्थी शिक्षण घेत आहेत.
शाळेची इमारत असली तरी विद्यार्थ्यांना थांबण्यासाठी संरक्षक शेड व व्हरांड्यात फरसबंदी नव्हती. त्यामुळे दुसऱ्या सत्रातील विद्यार्थ्यांना उन्हाळ्यात कडक उन्हात तसेच पावसाळ्यात पावसात शाळेबाहेर थांबावे लागत होते. या पार्श्वभूमीवर शाळा व्यवस्थापनाने शेड व पेव्हर ब्लॉक्स बसविण्याची मागणी अदानी डहाणू थर्मल पॉवर स्टेशनकडे केली होती.
मागणीची दखल घेत Adani Foundationमार्फत शाळेच्या आवारात टिकाऊ शेड उभारण्यात आली असून उच्च दर्जाचे पेव्हर ब्लॉक्स बसविण्यात आले आहेत. त्यामुळे विद्यार्थ्यांना सर्व प्रकारच्या हवामानात सुरक्षितपणे थांबता येणार आहे.
ही सुविधा अलीकडेच Harish Pandey यांच्या हस्ते शाळा व्यवस्थापनाकडे सुपूर्द करण्यात आली. स्थानिक शैक्षणिक पायाभूत सुविधा बळकट करण्यासाठी आणि विद्यार्थ्यांना सुरक्षित व सोयीस्कर वातावरण उपलब्ध करून देण्यासाठी हा उपक्रम राबविण्यात आल्याचे अदानी डहाणू थर्मल पॉवर स्टेशनच्या प्रवक्त्यांनी सांगितले.